وزیراعظم کے معاون خصوصی برائے پیٹرولیم ندیم بابر نے بالآخر مان لیا کہ گرمیوں میں سردیوں کے لیے سستی ایل این جی دستیاب تھی۔ اکتوبر کے مہینے میں بھی دسمبر کے لیے ساڑھے 5 ڈالرز پر ایل این جی مل رہی تھی۔
یہ سوال پروگرام آج شاہ زیب خانزادہ کے ساتھ میں اٹھایا گیا تھا کہ گرمیوں میں سستی ایل این جی کی دستیابی اور سردیوں میں ڈیمانڈ کا پتا ہونے کے باوجود، دیر کرکے نومبر کے مہینے میں دسمبر کے لیے سوا 7 ڈالرز پر مہنگی ایل این جی خرید کر کیوں اربوں روپے کا نقصان کیا گیا۔