وزیر اطلاعات شبلی فراز نے پیٹرولیم بحران کی تحقیقاتی رپورٹ دو چار روز میں سامنے لانے کا اعلان کردیا ۔
جیو نیوز کے پروگرام ’آج شاہزیب خانزادہ کے ساتھ میں گفتگو کرتے ہوئے شبلی فراز نے کہا کہ اب وزارتوں کی جانب سے اہداف حاصل ہونے یا نہ ہونے پر جزا اور سزا کا نظام نافذ ہوگا۔
انہوں نے کہا کہ جن وزرا نے پچھلی حکومتوں میں کام کیا، وہ سطحی طور پر کیا جاتا تھا۔
اسی پروگرام میں پیپلز پارٹی کے رہنما قمرزمان کائرہ نے دبے لفظوں میں پی ڈی ایم کے دھرنے کی مخالفت کرتے ہوئے کہا تھا کہ دھرنا لازمی نہیں، پی ڈی ایم دھرنے کا فیصلہ کرتی ہے تو پیپلز پارٹی کو سوچنا پڑے گا۔