وزیراعظم عمران خان کے مشیر داخلہ و احتساب شہزاد اکبر اور ڈپٹی چیئرمین سینیٹ سلیم مانڈوی والا آمنے سامنے آگئے۔
شہزاد اکبر نے پریس کانفرنس کے دوران کہا کہ سینیٹ کو ذاتی مفادات کے لیے استعمال نہیں کیا جاسکتا ہے۔
اس پر میڈیا سے گفتگو کرتے ہوئے سلیم مانڈوی والا نے جواب دیا کہ اب شہزاد اکبر ہمیں بتائیں گے کہ پارلیمنٹ کیسے چلنی چاہیے؟ اور کیسے چلائی جانی چاہیے؟
شہزاد اکبر نے ڈپٹی چیئرمین سینیٹ کا نام لیے بغیر کہا کہ یہ کہتے ہیں چیئرمین نیب کو ہم سمن کریں گے۔
اس پر سلیم مانڈوی والا نے جواب دیتے ہوئے کہا کہ تحریک استحقاق لانا ہمارا حق ہے۔