قومی کرکٹ ٹیم کے سابق فاسٹ بولر شعیب اختر نے کہا ہے کہ نیوزی لینڈ سے ٹیسٹ میچ ہارنے کا بہت افسوس ہے۔
سماجی رابطے کی ویب سائٹ پر جاری بیان میں شعیب اختر نے نسیم شاہ اور شاہین شاہ آفریدی کی کھل کر تعریف کی۔
انہوں نےکہا کہ نیوزی لینڈ سے میچ ہارنے کے باوجود نسیم شاہ اور شاہین شاہ آفریدی نے مخالف ٹیم کو پریشان کیا۔
شعیب اختر نے مزید کہا کہ نسیم شاہ اور شاہین شاہ آفریدی نے بیٹنگ میں بولٹ اور ٹم ساؤتھی جیسے خطرناک بولرز کا سامنا کیا۔
اسپیڈ اسٹار نے یہ بھی کہا کہ نسیم شاہ اور شاہین شاہ آفریدی دونوں ہی عمر میں چھوٹے ہیں، ان سے بہت کچھ سیکھنا چاہیے۔