اسلام آباد (خصوصی نامہ نگار) تھانہ سہالہ کے علاقہ میں ٹریفک کے المناک حادثہ میں ایک ہی خاندان کے تین افراد سمیت چار جاں بحق 6 شدید زخمی ہو گئے۔ ٹی چوک کے قریب ایک گاڑی ٹائر پھٹنے سے دیگر گاڑیوں سے ٹکرا گئی جس سے ا ن گاڑیوں میں سوار دس افراد شدید زخمی ہو گئے۔ حادثہ کے باعث جی ٹی روڈ پر ٹریفک رک گئی اور شہریوں نے اپنی مدد آپ کے تحت امدادی کارروائیاں کیں ، اطلاع ملنے پر ریسکیو1122 نے فوری پہنچ کر زخمیوں اور جاں بحق افراد کو ہسپتالوں میں منتقل کیا ، جاں بحق ہو نے والوں میں جواد علی ولد محمد ریاض عمر 36سال ،علیزہ جواد عمر ایک ماہ ، انیبہ جواد عمر ڈیڑھ سال ,اعزاز مسرور ولد میجر جنرل(ر) مسرور احمد شامل ہیں۔زخمیوں میں ریاض علی ولد شیخ حمید علی عمر 24 سال ،سمیعہ زوجہ جواد عمر 30سال ، یوسف ولد محمد رشید عمر آٹھ سال ، نادیہ خان دختر شہزاد زمان عمر 24 سال ، رمشا دختر حسن عمر 22سال، ایک خاتون جس کی شناخت نہیں ہو سکی۔