پاکستان میں تعینات جرمنی کے سفیر برن ہارڈ شلیگ ہیک کو اندرون لاہور کی ثقافت نے حیران کردیا ، پہلی بار ذائقہ دار آلو والے نان اور نان خطائی بھی کھائی۔
سوشل میڈیا سائٹ ٹوئٹر پر جرمن سفیر نے اندرون لاہور کی تصاویر شیئر کیں، ساتھ انہوں نے لکھا کہ وہ مغل دور کی عظیم وزیرخان مسجد کی خوبصورتی سے بہت متاثر ہوئے ہیں۔
جرمن سفیر نے کہا کہ پہلی بار خطائی اور آلو والے نان کھانے کا موقع ملا، دونوں بہت ذائقہ دار تھے۔
جرمن سفیر برن ہارڈ شلیگ ہیک نے اپنے دورہ لاہور کی تصاویر شیئر کرتے ہوئے اس توقع کا بھی اظہار کیا ہے کہ پاکستان میں مزید خوبصورت مقامات کی سیر کا موقع ملے گا۔
یہاں یہ بات قابلِ ذکر ہے کہ انہوں نے اپنا ٹوئٹ پاکستان کی قومی زبان اردو میں یہ ٹوئٹ کیا۔