بالی ووڈ کی مشہور جوڑی کرینہ اور سیف علی خان کے ہاں دوسرے بیٹے کی پیدائش پر جہاں انھیں مبارکباد کی موصولی کا سلسلہ جاری ہے وہیں نومولود کی ماسی (خالہ)، کرینہ کی بڑی بہن اور بالی ووڈ کی معروف اداکارہ کرشمہ کپور نے اس موقع اپنے انسٹاگرام ہینڈل پر اپنے بچپن کی ایک نایاب تصویر شیئر کی ہے۔
اس تصویر میں وہ اپنے والد رندھیر کپور کے ساتھ بیٹھی ہیں جبکہ والد نے ننھی کرینہ کپور کو گود میں اٹھا رکھا ہے۔
کرشمہ کپور نے اس تصویر کے ساتھ ایک چھوٹا سا نوٹ بھی تحریر کیا ہے جس میں لکھا کہ ’یہ میری بہن ہے جب وہ پیدا ہوئی۔ اب یہ دوسری مرتبہ ماں بن گئی ہیں، جبکہ میں دوبارہ ماسی، جو کہ بڑی خوشی کا موقع ہے۔‘