وزیرِ اعلیٰ پنجاب سردار عثمان بزدار کی ہدایت پر صحافیوں کو ترجیحی بنیادوں پر کورونا وائرس کی ویکسین لگانے کا فیصلہ کیا گیا ہے۔
پنجاب کے وزیرِاعلیٰ سردار عثمان بزدار نے کابینہ کمیٹی برائے انسدادِ کورونا کی سفارشات منظور کر لیں۔
ایک بیان میں وزیرِ اعلیٰ پنجاب سردار عثمان بزدار نے کہا ہے کہ عید کے بعد صحافیوں کو ترجیحی بنیادوں پر کورونا وائرس کی ویکسین لگانے کا آغاز کیا جائے گا۔
انہوں نے اس ضمن میں حکام کو ہدایت دی کہ پریس کلب میں خصوصی سینٹرز کے قیام کا بھی جائزہ لیا جائے۔
وزیرِ اعلیٰ پنجاب عثمان بزدار نے محکمہ صحت کو جامع حکمتِ عملی کے تحت اقدامات کرنے کی ہدایت بھی کی ہے۔