کراچی کے علاقے فیڈرل بی ایریا میں تجاوزات کےخلاف جاری آپریشن پر خودکشی کرنے والے 60 سالہ شخص کی نماز جنازہ ادا کردی گئی ۔
پولیس کی ابتدائی تحقیقات کے مطابق 60 سال کے دودل خان نے تجاوزات کے خلاف جاری آپریشن پر گزشتہ روز صبح اپنے گھر میں خودکشی کی تھی۔
دودل خان کی نماز جنازہ راشد منہاس روڈ کے قریب ادا کردی گئی، نماز جنازہ میں شہریوں کی بڑی تعداد نے شرکت کی۔
نماز جنازہ کے بعد اہل محلہ نے راشد منہاس روڈ پر احتجاج کیا، احتجاج میں خواتین نے بھی شرکت کی، اہل محلہ کا کہنا تھا کہ فیڈرل بی ایریا گلشن مصطفیٰ لیز مکانات کو مسمار کیا جا رہا ہے۔