گلگت بلتستان کے ضلع وادی ہنزہ کے علاقے کریم آباد میں نامعلوم ملزمان نے فائرنگ کر کے کالج کے ٹیچر کو قتل کر دیا۔
مقامی پولیس کے مطابق فائرنگ قراقرم یونیورسٹی کے قریب کی گئی ہے، واقعہ ٹارگٹ کلنگ ہے۔
ملزمان قتل کی واردات انجام دینے کے بعد باآسانی فرار ہونے میں کامیاب رہے۔
فائرنگ کے نتیجے میں ایک شخص زخمی بھی ہوا ہے، مقتول کی لاش اور زخمی کو اسپتال منتقل کیا گیا ہے۔
اسپتال میں لاش کا پوسٹ مارٹم کیا جائے گا جبکہ زخمی شخص کو طبی امداد دی جا رہی ہے۔
ہنزہ پولیس کا کہنا ہے کہ فائرنگ اور قتل کے واقعے کی تفتیش کی جا رہی ہے اور بہت جلد اس کے ذمے داروں کو گرفتار کر لیا جائے گا۔