وزیراعظم عمران خان نے حکومتی اراکان کو انتخابی اصلاحات پر حزب اختلاف سے رابطے کی ہدایت کردی۔
وفاقی وزیر اطلاعات و نشریات فواد چوہدری نے اسلام آباد سے جاری بیان میں وزیراعظم کی اپوزیشن سے رابطے کی ہدایت کی تصدیق کی ہے۔
فواد چوہدری نے کہا کہ اٹارنی جنرل انتخابی اصلاحات کے معاملے پر اپوزیشن اور الیکشن کمیشن سے ملاقات کریں گے۔
انہوں نے کہا کہ اٹارنی جنرل اس معاملے پر اپوزیشن کی قانونی ٹیم اور الیکشن کمیشن کو بریفنگ بھی دیں گے۔
وفاقی وزیر اطلاعات نے مزید کہا کہ اپوزیشن کی تجاویز پر مبنی رپورٹ وزیراعظم عمران خان کو پیش کی جائے گی۔