وزیر اعظم عمران خان کی سفارت کاری رنگ لے آئی جس کی بدولت سعودی عرب کی جیلوں میں بند قیدیوں کی رہائی کا عمل جاری ہے۔
سعودی عرب سے 18 قیدی کل لاہور پہنچیں گے جبکہ اوورسیز پاکستانی فاؤنڈیشن نے قیدیوں کو وطن پہنچانے کے انتظامات مکمل کرلیے ہیں۔
قیدی پی آئی اے کی پرواز پی کے 9248 کے ذریعے دمام سے لاہور پہنچیں گے جبکہ اوورسیز پاکستانی فاونڈیشن قیدیوں کے کورونا ٹیسٹ اور گھروں کو روانگی کا بندوبست کرے گی۔
اس سے قبل 65 قیدی 20 جولائی کو اسلام آباد پہنچ چکے ہیں، وزیر اعظم نے اوورسیز پاکستانی فاؤنڈیشن کو قیدیوں کی رہائی اور بحفاظت واپس یقینی بنانے کی ہدایت دی تھی۔