اسلام آباد کے علاقے ایف الیون میں کار سوار خاتون کی جانب سے ایگل اسکواڈ کے اہلکاروں سے تلخ کلامی کی ویڈیو وائرل ہو گئی جس کے حوالے سے اسلام آباد پولیس کا کہنا ہے کہ خاتون ہمیں نہیں کسی اور کو گالیاں دے رہی تھی۔
ویڈیو میں خاتون کو ایگل اسکواڈ کے اہلکاروں سے بدتمیزی کرتے دیکھا جا سکتا ہے۔
پولیس ذرائع کے مطابق کار کو روکنے پر خاتون نے اہلکاروں سے بدتمیزی شروع کر دی۔
دوسری جانب پولیس اہلکاروں سے بدتمیزی کے معاملے کی تحقیقات کی بھی کی گئیں۔
اسلام آباد کے پولیس حکام کی جانب سوشل میڈیا پر وائرل ویڈیو کی تحقیقات مکمل کر لی گئیں۔
اسلام آباد پولیس کا مؤقف ہے کہ پولیس اہلکاروں سے بدتمیزی نہیں کی گئی، خاتون پولیس اہلکاروں کے قریب کھڑے دوسرے فریق کو گالیاں دے رہی تھی۔
اسلام آباد پولیس کا یہ بھی کہنا ہے کہ کار اور موٹر سائیکل کے ایکسیڈنٹ کے بعد دونوں فریقین کے درمیان تکرار ہوئی، خواتین کی کال پر پولیس وہاں پہنچی، بعد ازاں دونوں فریقین میں صلح ہو گئی۔