جنگلی حیات کی بہبود اور تحفظ کے لیے کام کرنے والی کینیا کی شیلڈرک وائلڈ لائف نامی آرگنائزیشن کی جانب سے اپنے ٹوئٹر اکاؤنٹ پر دل کو چھو لینے والی ایک ویڈیو شیئر کی گئی ہے۔
ویڈیو میں دیکھا جا سکتا ہے کہ ہاتھیوں کا ایک رکھوالا جنگل کے دورے پر موجود ہے، اس دوران اِس رکھوالے کے ہاتھوںپلنے والے ہاتھی نے اُسے ایک جگہ بیٹھے دیکھ لیا۔
وائرل ویڈیو میں دیکھا جا سکتا ہے کہ ہاتھی اپنے بچے سمیت وہاں آ کر اپنے رکھوالے سے محبت کا اظہار کرتے ہوئے اُس کے پاس کھڑا ہے اور اپنے رکھوالے کے ہاتھوں سے کھیل رہا ہے۔
ہاتھی کی اپنے رکھوالے کے لیے اس بے لوث محبت کی ویڈیو سوشل میڈیا پر خوب وائرل ہو گئی ہے جسے صارفین ناصرف دیکھ رہے ہیں بلکہ اپنے اکاؤنٹس پر شیئر بھی کر رہے ہیں۔