ایران کے چیف آف جنرل اسٹاف میجر جنرل محمد باقری نے وفد کے ہمراہ جی ایچ کیو میں آرمی چیف جنرل قمر جاوید باجوہ سے ملاقات کی۔
آئی ایس پی آر کے مطابق ملاقات میں افغان صورتحال، علاقائی سلامتی اور سرحدی انتظامات پر تبادلہ خیال کیا گیا۔
آرمی چیف جنرل قمر جاوید باجوہ نے کہا کہ پاکستان اور ایران دو برادر ممالک ہیں، خطے میں امن کے لیے دونوں ملکوں کے درمیان قریبی تعاون اہم ہے۔
ملاقات میں لیفٹننٹ جنرل فیض حمید بھی موجود تھے۔
ایرانی وفد کو پاک فوج کی پیشہ وارانہ تربیت سے متعلق بریفنگ دی گئی۔
ایرانی وفد کو پاک فوج کی دیگر ملکوں کے ساتھ مشترکہ مشقوں پر بھی بریفنگ دی گئی۔