دل کا دورہ پڑنے سے اچانک دنیا چھوڑ دینے والے بھارتی اداکار سدھارتھ شُکلا اور اُن کی قریبی ساتھی شہناز گِل کا آخری گانا جلد ریلیز کیا جائے گا۔
بھارتی میڈیا رپورٹس کے مطابق سدھارتھ اور شہناز کے گانے کو پہلے ’ہیبٹ‘ کا عنوان دیا گیا تھا تاہم اب اس کا ٹائٹل ’ادھورا‘ کردیا گیا ہے۔
جوڑی کے مداحوں کو اس گانے کا بےصبری سے انتظار تھا، اور اب ایسا لگتا ہے کہ بنانے والوں نے بالآخر اسے جلد ہی جاری کرنے کا فیصلہ کیا ہے ۔
اس گانے کے پوسٹر کے مطابق گانے کو ’سدناز‘ سے بھی منسوب کیا گیا ہے۔
اس گانے کو ’آرکو‘ نے لکھا ہے اور شریا گھوشال نے گایا ہے، آنے والے گانے کے پوسٹر میں لکھا گیا ہے کہ ، ادھورا، ایک ادھورا گانا، ایک ادھوری کہانی ، ’سد ناز‘ کا گانا جلد ریلیز ہو رہا ہے۔