ایرانی پارلیمنٹ نے اسپیکر علی لاریجانی کو نئی آئینی مدت کے لئے منتخب کرلیا ہے۔عرب ٹی وی کے مطابق ڈاکٹر علی لاریجانی کو 276 مجموعی ارکان پارلیمنٹ میں سے 237 نے ووٹ دیئے، وہ ایران کی دسویں پارلیمنٹ کے دوبارہ اسپیکر منتخب ہوگئے ہیں۔
اس الیکشن میں مسعود پزشکیان 158 ووٹ اور علی مطہری 133 ووٹ لیکر بالترتیب پہلے اور دوسرے ڈپٹی اسپیکر منتخب ہوئے ہیں۔واضح رہے کہ علی لاریجانی ایرانی پارلیمنٹ کے مسلسل تیسری بار اسپیکر منتخب ہوئے ہیں۔
علی لاریجانی نے اپنے انتخاب پر پارلیمنٹ کے اراکین کا شکریہ ادا کرتے ہوئے کہا کہ باہمی تعاون ومشاورت کے ساتھ کام کی یقین دہانی کرائی ہے۔