ایف آئی اے نے عمران فاروق قتل کیس کا دائرہ وسیع کرنے کا فیصلہ کرلیا ہے، اس کیس میں پاک سرزمین پارٹی کے رہنماوٴں مصطفیٰ کمال اور انیس قائم خانی سے بھی پوچھ گچھ کی جائے گی۔
عمران فاروق قتل کیس میں گرفتار ملزمان نے دوران تفتیش بتایا ہے کہ مصطفیٰ کمال اور انیس قائم خانی اس بارے میں بہت کچھ جانتے ہیں، یہی نہیں بلکہ ایم کیو ایم کے اہم رہنماوٴں کو بھی طلب کیے جانے کا امکان ہے۔
اس ہائی پروفائل کیس سے جڑی اہم خبر کی تفصیلات ’جیو نیوز‘ کے پروگرام ’آج شاہ زیب خانزادہ کے ساتھ میں‘ پیش کی گئیں۔