مجھے معلوم ہے سرتاج عزیز کا اشارہ میری طرف ہے، حقانی

واشنگٹن میں پاکستان کے سابق سفیر حسین حقانی نے کہا ہے کہ وہ امریکا میں پاکستان کے خلاف کچھ نہیں کر رہے، پاکستانی حکام کو اپنی ناکام پالیسیوں کی ذمے داری قبول کرنی چاہیے۔

ایک بیان میں حسین حقانی نے کہا کہ سرتاج عزیز نے کہا کہ ایک امریکا میں سابق پاکستانی سفیر اپنے ہی ملک کے خلاف لابنگ کر رہے ہیں، مجھے معلوم ہے کہ سرتاج عزیز کا اشارہ میری طرف ہے۔

انہوں نے کہا کہ میں اب امریکا میں ایک اسکالر ہوں، لابسٹ نہیں، پاکستانی حکام کو ناکام پالیسیوں کی ذمہ داری قبول کرنی چاہیے، انہیں قربانی کا بکرا نہیں ڈھونڈنا چاہیے۔