وزیر قانون پنجاب راناثنااللہ نے کہاہے کہ وزیر اعظم کے خلاف الیکشن کمیشن میں ریفرنس دائر کرنا تحریک انصاف کا آئینی حق ہے مگر جس قانون کے تحت انھیں یہ حق ملتاہے وہ اس قانون کا احترام بھی کریں۔
لاہورمیں پنجاب اسمبلی کے باہر میڈیا کے نمائندوں سےگفتگو میں راناثنااللہ کا کہنا تھا کہ تحریک انصاف جمہوری تقاضوں کے مطابق اپنا آئینی حق استعمال کرے اور ملک میں عدم استحکام پیدا کرنے سے اجتناب کرے ،مسلم لیگ ن ہر ریفرنس کا سامنا کرے گی ۔