ایئرشپ کی آزمائشی پرواز لینڈنگ کے دوران زمین سے ٹکرا گیا

دنیا کا سب سے بڑا ایئرشپ اپنی دوسری آزمائشی پرواز میں لینڈنگ کے دوران زمین سے ٹکرا گیا، حادثے میں کاک پٹ کو نقصان پہنچا، تاہم عملہ محفوظ رہا۔

بیڈ فورڈ شائر میں لینڈنگ کرتے ہوئے ایئرلینڈر کا اگلا حصہ زمین سے ٹکرایا، جس سے کاک پٹ کو نقصان پہنچا، برطانیہ میں بنائے گئے تین سو دو فٹ لمبے طیارے میں عام طیاروں کے مقابلے میں کم ایندھن استعمال ہوگا۔

یہ طیارہ ہیلی کاپٹر کی طرح براہ راست اوپر اٹھ کر پرواز کرسکتا ہے اور برف، پانی یا صحرا کسی بھی طرح کی زمین پر اتر سکتا ہے، ایئرلینڈر کی پہلی آزمائشی پرواز 17 اگست کو کی گئی تھی جو کامیابی سے مکمل کرلی گئی تھی۔