لاہور : ڈکیتی مزاحمت پر ماں بیٹا زخمی ہوگئے

لاہور کے علاقہ اسلام نگر میں ڈکیتی مزاحمت پر ماں بیٹا زخمی ہوگئے اہل علاقہ نے دونوں ڈاکوؤں کو پکڑ کر درگت بنائی اور پولیس کے حوالے کر دیا۔

پولیس کے مطابق زخمی ہونے والا اسلم اپنی ماں کے ساتھ موٹر سائیکل پر جا رہا تھا کہ 2 ڈاکوؤں نے ماں بیٹے کو لوٹنے کی کوشش اور مزاحمت پر گولی مار کر زخمی کر دیا۔

اہل علاقہ نے دونوں ڈاکوؤں کو پکڑ لیا اور پہلے ان کی درگت بنائی اور پھر پولیس کے حوالے کر دیا۔زخمی اسلم اور اسکی ماں کو طبی امداد کیلئے اسپتال منتقل کر دیا گیا۔