امریکا کی قومی سلامتی کی مشیر سوزن رائس نے امید ظاہر کی ہے کہ پاکستان اقوام متحدہ کی جانب سے دہشت گردقرار دیئے گئے عناصر کے خلاف کارروائی کرے گا۔
ترجمان قومی سلامتی کونسل نیڈ پرائس کے بیان میں کہا گیا ہے کہ سوزن رائس نے بھارتی قومی سلامتی کے مشیر اجیت دیول سے ٹیلی فون پر بات کی ۔انہوں نے کہا کہ دنیا بھر میں دہشت گردی کرنے والوں کو انصاف کے کٹہرے میں لانے کی کوششیں دوگنا کرنے کیلئے صدر اوباما کا عزم مستحکم ہے۔
سوزن رائس نے توقع ظاہر کی کہ پاکستان کالعدم لشکر طیبہ اور جیش محمد سمیت اقوام متحدہ کی جانب سے دہشت گرد قرار دئےگئے عناصر کے خلاف کارروائی کرے گا۔امریکی مشیر نے اڑی واقعے کی بھی مذمت کی ۔