اقوام متحدہ میں پاکستان کی سفیر ملیحہ لودھی نے اقوام متحدہ کے نئےسیکریٹری جنرل انتو نیو گوتریس سے ملاقات کی اور انہیں جنوبی ایشیا اور افغانستان کی صورتحال کے بارے میں بریفنگ دی ۔
عالمی ادارے کے نومنتخب سربراہ سے پہلی ملاقات میں ملیحہ لودھی نے دنیا کو درپیش چیلنجوں اور مواقع کے بارے میں تبادلہ خیال کیا۔ پاکستانی سفیر نے نو منتخب سیکریٹری جنرل کو امور خارجہ کے مشیر، سرتاج عزیز اور وزیر اعظم نواز شریف کی جانب سےمبارک دی ۔
انتونیو گوتریس نے مہاجرین کی میزبانی اور اس سلسلے میں مشکلات کا سامنا کرنے پر پاکستان کے کردار کی تعریف کی ۔
انہوں نے اقوام متحدہ کے ہائی کمشنر برائے مہاجرین کے طور پر گزشتہ دس سال کے دوران مختلف مواقع پر پاکستان کے دوروں کی یادیں تازہ کیں اور اس دوران پاکستان کے تعاون کو سراہا۔
یو این ہائی کمشنر کے طور پر انتونیو گوتریس نے چھ مرتبہ پاکستان کا دورہ کیا۔ وہ یکم جنوری 2017 کو باضابطہ طور پر اقوام متحدہ کے سیکریٹری جنرل کاعہدہ سنبھالیں گے۔
فرمان الہی
نماز کے اوقات
