خواجہ آصف ٹوئٹ اکاؤنٹ، وزارت، حکومت ڈیلیٹ کردیں، بلاول

بلاول بھٹو زرداری کا کہنا ہے کہ ابھی سیاست کرنا شرمناک ہے،خواجہ آصف اپنا ٹوئٹ،اپنا اکاونٹ،اپنی وزارت،اپنی حکومت سب ڈیلیٹ کردیں۔

پاکستان پیپلز پارٹی کے چیئرمین بلاول بھٹو زرداری نے خواجہ آصف کے بیان پر ردعمل دیتےہوئے مزید کہا کہ مسخروں کو چھوڑیں اپنا کام کریں۔

خواجہ آصف نے بیان جاری کیا تھا کہ بھارت لائن آف کنٹرول پر حملے کر رہا ہے، کوئٹہ، پشاور میں افغانستان سے حملے ہو رہے ہیں، عمران خان اسلام آبادپرحملے کی تیاری کررہے ہیں، کیا یہ سب Accidental Coordination ہے؟

اس سے قبل چیئرمین پیپلزپارٹی بلاول بھٹو نے کوئٹہ حملے کی شدید مذمت کرتے ہوئے کہا کہ دہشت گردوں کے خوفناک حملے نے ہر پاکستانی کو ہلا کر رکھ دیا ہے

بلاول بھٹو کا کہنا تھا کہ ہماری ہمدردیاں شہداء کے لواحقین اور متاثرین کے ساتھ ہیں،نیشنل ایکشن پلان پر روح کے مطابق عملدرآمد کی ضرورت ہے، پلان کے کسی ایک حصے کی بجائے تمام نکات پر عملدرآمد کرایا جائے۔