لاہور: وقفے وقفے سے بارش، بجلی کا نظام متاثر

لاہور میں رات بھر وقفے وقفے سے ہونے والی بارش سے بجلی کا نظام متاثر ہوا اور شہریوں کو پریشانی کا سامنا کرنا پڑا۔

بارش کے باعث 70 سے زائد فیڈرز ٹرپ کرجانے سے غائب ہونے والی بجلی کئی گھنٹوں بعد بحال ہوسکی۔

ادھرمحکمہ موسمیات کا کہنا ہے کہ لاہورمیں اب تک 21 ملی میٹر بارش ریکارڈ کی گئی ہے جبکہ بارش کا سلسلہ آئندہ 12گھنٹےتک وقفے وقفے سے جاری رہنےکاامکان ہے۔