فیس بک پر سب کو اپنی پرائیویسی میں مداخلت کا خطرہ رہتا ہے لیکن اب خود فیس بک کے بانی مارک زکربرگ نے اپنی پرائیویسی کو لاحق خطرات کا اظہار کر دیا ہے۔
مارک زکربرگ نے امریکی ریاست ہوائی میں سات سو ایکڑ کی ایک جائیداد خریدی ہوئی ہے لیکن ان کی جائیداد کے آس پاس تھوڑی بہت زمینیں مقامی آبادی کی بھی ہیں۔
زکربرگ نے عدالت میں ایک مقدمہ دائر کرتے ہوئے کہا ہے کہ ان مقامی افراد کی موجودگی میں ان کی پرائیویسی کو خطرہ ہے، اس لیے وہ مقامی افراد اپنی اپنی زمینیں انھیں یعنی مارک زکربرگ کو بیچ دیں۔
مارک زکربرگ نے ہوائی میں سات سو ایکڑ اراضی دس کروڑ ڈالر یعنی دس ارب پاکستانی روپے میں خریدی ہے، اس اراضی کے اردگرد رہنے والے افراد ان کی جائیداد سے گزرتے ہیں جس سے زکربرگ کے خیال میں ان کی پرائیویسی متاثر ہوتی ہے۔
فرمان الہی
نماز کے اوقات
