فلسطینیوں کو مزاحمت کا حق ہے،امریکی دانشور | Daily Jang News
| |
Home Page
اتوار 29 رمضان المبارک 1438ھ 25 جون 2017ء
February 17, 2017 | 06:20 pm
فلسطینیوں کو مزاحمت کا حق ہے،امریکی دانشور

Palestinians Have The Right To Resist American Scholar

Palestinians Have The Right To Resist American Scholar
امریکا کے ایک سرکردہ تجزیہ نگار اور دانشور نے امریکی حکومت کی اسرائیل نوازی پر مبنی پالیسی پر شدید تنقید کرتے ہوئے کہا ہے کہ اسرائیل ایک قابض ملک ہے۔ اس کے ناجائز قبضے کے خلاف فلسطینیوں کو مسلح مزاحمت کا حق ہے۔

فلسطینی میڈیا رپورٹس کے مطابق امریکی دانشور نورمان فلنک چائن نے ان خیالات کا اظہار فلسطین کے علاقے غزہ کی پٹی میں پولیٹیکل ڈویلپمنٹ اسٹڈی سینٹر CPDS میں منعقدہ ایک تقریب سے خطاب میں کیا۔

انہوں نے کہا کہ فلسطینی علاقوں پر اسرائیلی ریاست کا قبضہ بین الاقوامی قوانین کی رو سے ناجائز اور غیرقانونی ہے۔ اس لیے فلسطینیوں کو اسرائیل کے ناجائز تسلط کے خلاف عسکری اور سیاسی محاذوں پر مزاحمت کا بھرپور حق حاصل ہے۔

یہ حق انہیں عالمی قوانین اور بین الاقوامی اصول فراہم کرتے ہیں۔امریکی دانشور نے مزید کہا کہ فلسطینی اتھارٹی اور اسرائیل کے درمیان مذاکرات محض وقت کا ضیاع ہے اور اس کا کوئی فائدہ نہیں۔ فلسطینی قوم کے حقوق پامال کرنے کا سب سے زیادہ فائدہ قابض صہیونی ریاست کو پہنچا ہے۔

فلسطینی قوم کے حقوق کے لیے جو مذاکراتی سرکس ماضی میں سجایا جاتا رہا ہے وہ بغیر کسی پیش رفت کے اپنے انجام کو پہنچ گیا ہے۔ اسرائیل دنیا بھر کو یہ کہہ کر دھوکا دے رہا ہے کہ وہ فلسطینیوں کے ساتھ قیام امن کی مساعی کو آگے بڑھا رہا ہے۔فلنک چائن نے مزید کہا کہ مذاکرات اسی وقت مفید ہوسکتے ہیں جب میدان جنگ میں کوئی معرکہ انجام دیا جائے۔