ناصر جمشید سے بھی پوچھ گچھ ہو رہی ہے، نجم سیٹھی

چیئرمین پی ایس ایل نجم سیٹھی کا کہنا ہے کہ اسپاٹ فکسنگ کیس میں ناصر جمشید سے بھی پوچھ گچھ ہورہی ہے۔

انہوں نے مزید کہا کہ کچھ چھپا نہیں رہے گا اگر کسی اور کھلاڑی کا بھی نام آیا تو اسے نہیں چھوڑیں گے، تحقیقات کر کے دودھ کا دودھ اور پانی کا پانی کر دیں گے ۔

انہوں نے مزید بتایا کہ اسپاٹ فکسنگ کے حوالے سے ناصر جمشید سے لندن میں پوچھ گچھ ہورہی ہے۔

چیئر مین پی ایس ایل نجم سیٹھی نے مزید کہا کہ 2010ء میں اسپاٹ فکسنگ کرنے والوں نے اپنی سزا بھگت لی ہے، قانونا ً انہیں کرکٹ کھیلنے سے روک نہیں سکتے۔

انہوں نے یہ بھی کہا کہ محمد عامر کا سزا بھگتنے کے بعد کردار قابل تعریف ہے، اس نے کرپشن کے خلاف آئی سی سی اور ہماری بھرپور مدد کی۔