ایئر لائن عملے سے بدسلوکی ،شیوسینا ممبر پارلیمنٹ کے خلاف مقدمہ

بھارتی ایئر لائن عملے سے بدسلوکی کرنے پر ہندو انتہا پسند تنظیم شیوسینا کے رکن پارلیمنٹ کے خلاف ایف آئی آر درج کرلی گئی اور انھیں ائیر انڈیا پربلیک لسٹ کردیا گیا ہے۔

بھارتی میڈیا کے مطابق رکن پارلیمنٹ پر مار پیٹ اور تشدد کے الزامات کے تحت ایف آئی آر درج کی گئی ہے، کرمنل برانچ الزامات کی تحقیقات کرے گی، دلی ائرپورٹ پر ہندو انتہا پسند جماعت شیو سینا کے رکن پارلیمنٹ رویندرا گائیکواڈ نے بزنس کلاس نہ ملنے پر بھارتی ایئر لائن کے ساٹھ سالہ رکن کو چپل سے مارا تھا۔

بھارتی ائیرلائن نے غنڈہ گردی کے خلاف احتجاج کرتے ہوئے شیوسینا کے رکن پارلیمنٹ رویندرا گائیکواڈ کو طیاروں پر پرواز کے لیے بلیک لسٹ کر دیا ہے۔