پیداوار میں کمی، مرغی اور ٹماٹر کی قیمتیں بڑھ نے لگیں

پیداوار میں کمی کی خبروں پر مارکیٹ میں مرغی اور ٹماٹر کی قیمتیں بڑھ رہی ہیں، لیاقت آباد سپر مارکیٹ میں ٹماٹر 100 اور مرغی 380 روپے کلو فروخت ہوئی۔

مارکیٹ کے ایک سبزی فروش عمران کے مطابق مارکیٹ میں گرم موسم میں مرغیوں کے مرنے اور ٹماٹر کی پیداوار کم ہونے کی خبریں قیمت کو بڑھاوا دے رہی ہے۔ حکومت نے ننانوے روپے ریٹ دیا ہے، یہ بھی اضافی قیمت کا عندیہ ہے کیونکہ حکومتی ریٹ مارکیٹ ریٹ سے ہمیشہ کم ہوتا ہے۔

شہر کے بڑے علاقوں میں ٹماٹر 160 روپے تک فروخت ہوا ، جبکہ مرغی کی قیمت چار اور پانچ سو روپے کے درمیان بے قرار نظر آئی۔