بینظیر نے باپ ،بھائی گنواکربھی ملک کو جوڑا، بلاول | Daily Jang News
| |
Home Page
منگل یکم ذیقعدہ 1438ھ 25 جولائی 2017ء
April 17, 2017 | 06:50 pm
بینظیر نے باپ ،بھائی گنواکربھی ملک کو جوڑا، بلاول

Bhutto Joints Pakistan After Losing Their Father And Brother Bilawal

Bhutto Joints Pakistan After Losing Their Father And Brother Bilawal
چیئرمین پیپلز پارٹی بلاول بھٹو زرداری کا کہنا ہے کہ ان کی والدہ بینظیر بھٹو جلا وطنی ختم کرکے واپس آئیں تو انہوں نے لاہور کا انتخاب کیا ،، لاہور کی رگوں میں فن، ثقافت اور تاریخ رچے بسے ہیں ۔

الحمراء ہال لاہور میں بے نظیر بھٹو ادبی میلے سے خطاب کرتے ہوئے بلاول بھٹونے کہا کہ بڑا لیڈر ایک بڑے آرٹسٹ کی طرح ہوتا ہے جو لوگوں کے دل میں اتر جاتا ہے،لیڈر بھی اپنے پیغام کےذریعے سب کو جوڑتا ہے۔

انہوں نے کہا کہ بینظیر نے اپنے باپ اوربھائی کوگنوانے کے باوجود اس ملک کو جوڑا، جو فضا ملک میں بنی ہوئی ہے وہ تعصب کو فروغ دے رہی ہے۔

بلاول زرداری نے کہا کہ ضیاءالحق نے پاکستان میں سوال اٹھانے اور برداشت کا ماحول ختم کیا، ایسا پاکستان دیکھنا چاہتا ہوں جہاں انسانیت اور برادشت ہمارا کلچر ہو۔

ان کا کہنا تھا کہ میری والدہ نے ضیاء مارشل لاء کا مقابلہ کرنے کیلئے جلاوطنی ختم کر کے واپسی کیلئے لاہور کا انتخاب کیا، جہاں سے انہوں نے جمہوری جدوجہد کی قیادت کی۔