جے آئی ٹی پر دباؤ کیلئےمہم چلائی جا رہی ہے، رانا ثنا

وزیرقانون پنجاب راناثناء اللہ نے تحریک انصاف پر تنقید کرتے ہوئے کہا ہے کہ پی ٹی آئی سپریم کورٹ کو دباؤ میں لانے کی کوشش کرتی رہی، اب جے آئی ٹی پر دباؤ کے لیے سوشل میڈیا پر مہم چلائی جا رہی ہے۔

رانا ثناء اللہ کا کہنا تھا کہ لاتوں کے بھوت باتوں سے نہیں مانتے، پی ٹی آئی اختلافی نوٹ کو فیصلہ ثابت کرنے کی کوشش کر رہی ہے، قوم کی نظر سب کے اوپر ہے۔

انہوں نے کہا کہ سپریم کورٹ کا فیصلہ ہی فیصلہ ہے، اختلافی نوٹ کوسپریم کورٹ کافیصلہ ثابت کرنیکی کوشش کی جا رہی ہے ، امید ہے سپریم کورٹ ایسی منفی حرکتوں کا نوٹس لے گی۔