سعودی عدالت نے توہین رسالت کے ملزم کے خلاف سزائے موت کی توثیق کردی ہے،جبکہ اعتدال پسند مذہبی اسکالروں نے سزا کی مخالفت کردی۔
عرب میڈیا کے مطابق سعودی عرب کے شمالی شہر حفر الباطن کی شرعی عدالت نے 30 سالہ سعودی شہری احمد الشمری کے خلاف 2015 میں جاری ہونے والے عدالتی حکم کو شرائط وضوابط کے مطابق قرار دیتے ہوئے ملزم کے وکیل کی جانب سے اپیل مسترد کردیا اور سزائے موت کی توثیق کردی۔
ملزم احمد الشمری کے خلاف رسول اسلام، بی بی فاطمہ پر بہتان تراشی اور شعائر اسلام کا مذاق اڑانے اور اسے ریکارڈ کرکے سوشل میڈیا پر نشر کرنے کا الزام ہے، ملزم کے وکیل نے اپنے موکل کو ذہنی مریض قرار دیتے ہوئے سزا منسوخ کرکے نفسیاتی ہسپتال منتقل کرنے کی استدعا کی تھی۔
الشمری کی سزا نے سوشل میڈیا پر سخت گیر اور اعتدال پسند مذہبی اسکالروں کے درمیان جنگ چھیڑ دی، معروف مذہبی اسکالر سلیمان الطریفی نے سزا کا از سر نو جائزہ لینے کا مطالبہ کیا اوراپنے ٹوئیٹر پیغام میں کہا کہ خلیفہ دوم، حضرت عمر فاروق نے مرتد کے لئے توبہ کا دروازہ کھولنے کی تلقین کی، چاہئے کتنا بھی وقت درکار ہو کیونکہ اسکا رجوع کرنا قتل سے بہتر ہوگا۔
فرمان الہی
نماز کے اوقات
