ٹرمپ مودی ملاقات پر کشمیریوں کا وائٹ ہاؤس کے باہر مظاہرہ

ٹرمپ مودی ملاقات کے موقع پر بڑی تعداد میں کشمیریوں نے وائٹ ہاؤس کے سامنے احتجاجی مظاہرہ کیا۔

کشمیری مظاہرین نے مقبوضہ کشمیر میں انسانی حقوق کی خلاف ورزیوں پر احتجاج کیا۔

مظاہرین نے اپیل کی کہ کشمیریوں کو ان کا حق خودارادیت دینے کے لیے مودی سرکار پر دباؤ ڈالا جائے۔

دوسری جانب بھارتی وزیر اعظم مودی کی امریکی صدر ٹرمپ سے ملاقات کے بعد وائٹ ہاؤس کا بیان سامنے آیا ہے کہ پاکستان اپنی سرزمین کو دوسرے ملکوں کے خلاف استعمال نہ ہونے دے۔

بیان میں ممبئی اور پٹھان کوٹ کے حملوں میں ملوث ملزمان کے خلاف بھی جلد کارروائی کا مطالبہ کیا گیاہے۔