تاریخ اپنے آپ کو دہرا رہی ہے، سعد رفیق

وفاقی وزیر ریلوے خواجہ سعد رفیق کے سوشل میڈیا پر بیان سے نئی بحث چھڑ گئی۔ انہوں نے اپنے پیغام میں کہاتھا کہ تاریخ اپنے آپ کو دہرا رہی ہے۔ نواز شریف کو ننانوے میں ایٹمی دھماکے کرنے کی سزا دی گئی ہے۔

وفاقی وزیر ریلوے نے کہا کہ ماضی میں نوازشریف کو سزا دلوانے والی عالمی طاقتیں تھیں اور جنرل پرویز مشرف اورجسٹس ارشاد حسن جیسے لوگ کٹھ پتلیاں تھے۔

سعد رفیق نے کہا کہ اس بار نواز شریف کو سی پیک کے ذریعے معاشی دھماکے پر سزا دینے کی سازش ہورہی ہے۔ ان کا مزید کہنا تھا کہ عالمی طاقتوں کا یہ کھیل پرانا ہے لیکن اس بار کٹھ پتلیاں نئی ہیں۔

انہوں نے کہا کہ اہل وطن مستحکم ہوتے پاکستان کے خلاف ذاتی مفادات کے لیے کام کرنے والی کٹھ پتلیوں کو پہچانیں۔

وفاقی وزیر ریلوے نے کہا کہ پہلے انتخابی دھاندلی اور پھر پاناما پیپرز کے نام پر دھول اڑانے والے سازش کی رنگ برنگی چھوٹی بڑی کٹھ پتلیاں ہیں۔