سعودی عرب نے عراقی حکومت کی طرف سے موصل کی فتح اور وہاں سے داعش کو پسپاکرنے کو سراہتے ہوئے کہا ہے کہ سعودی عرب دہشت گردی کے خاتمے کے لیے عراق کے ساتھ کھڑا ہے۔
غیر ملکی میڈیا کے مطابق ریاض سے جاری کردہ وزارت خارجہ کے بیان میں بغداد حکومت کے ساتھ یکجہتی کا اظہار بھی کیا گیا۔ بیان میں موصل کو داعش کے قبضے سے چھڑائے جانے پر مبارک باد پیش کی گئی اور یہ بھی کہا گیا کہ سعودی عرب دہشت گردی کے خاتمے کے لیے عراق کے ساتھ کھڑا ہے۔
ریاض حکومت خطے میں مبینہ ایرانی مداخلت پر ایک عرصے سے تحفظات کا اظہار کرتی آئی ہے۔یاد رہےکہ عراق اور سعودی عرب کے باہمی تعلقات کچھ عرصے سے کھچا ئوکے شکار ہیں۔
دریں اثنا عراق سے جمعہ کو موصولہ رپورٹوں کے مطابق موصل میں چند مقامات پر اسلامک اسٹیٹ کے جنگجوئوں کے ساتھ عراقی فورسز کی جھڑپیں جاری ہیں۔