ایران نے امریکی صدر ٹرمپ کا ایران کو سرکش ریاست قرار دینے کا بیان مسترد کرتے ہوئے بیان کو غیر دانش مندانہ قرار دے دیا۔
ترجمان ایرانی وزارت خارجہ بہرام قاسمی کا کہنا تھا کہ امریکا کو ماضی سے سبق سیکھنا چاہیے اور ایرانیوں کے لیے مہذب زبان استعمال کرنی چاہیے۔
انہوں نے مزید کہا کہ امریکی صدر کی اپنی متضاد اور خودغرضانہ پالیسیاں عالمی سیکیورٹی کے لیے خطرہ ہیں اور ٹرمپ کی پالیسیوں میں ان کے متکبر اور جارح اتحادی بھی ان کا ساتھ دے رہے ہیں۔
امریکی صدر ٹرمپ نے ایک روز قبل فرانس میں پریس کانفرنس کے دوران ایران، شام اور شمالی کوریا کو سرکش ریاستیں قرار دیا تھا۔