روس نے ایران کے خلاف نئی امریکی پابندیوں کو بے بنیادقرار دیتے ہوئے کہا ہے کہ امریکا خود ایران کے ساتھ ہونے والے جوہری معاہدے کی ذمہ داریاں پوری کرنے میں ناکام ہو رہا ہے۔
غیر ملکی میڈیا کے مطابق روسی وزارت خارجہ کا کہنا ہے کہ ایران کے خلاف نئی امریکی پابندیاں بے بنیاد ہیں۔ امریکا نے منگل کے روز ایران کے خلاف نئی پابندیاں بیلیسٹک میزائل پروگرام جاری رکھنے کی وجہ سے عائد کی تھیں۔
ٹرمپ انتظامیہ نے الزام عائد کرتے ہوئے کہا تھا کہ ایران کے ساتھ جوہری معاہدے کے باوجود مشرق وسطی میں اس کا کردار مثبت نہیں ہے۔
روس نے ایران کی حمایت کرتے ہوئے کہا ہے کہ امریکا خود ایران کے ساتھ ہونے والے جوہری معاہدے کی ذمہ داریاں پوری کرنے میں ناکام ہو رہا ہے۔