رحیم یارخان میں پسند کی شادی کرنےپرمبینہ جرگے نے10سال کی بچی کو80سال کےشخص کےساتھ ونی کرنےکافیصلہ کیا ہے۔بچی کے والد کا کہنا ہے کہ پنچائیت نےفیصلےپرعمل نہ کرنےپربچی کےاغواکی دھمکی دی ہے۔
رحیم یارخان کے علاقے عباسیہ ٹاؤن میں ونی کی گئی لڑکی کے نانا نے تین سال قبل عدالت میں پسند کی شادی کی تھی۔
لڑکی کے والد اشرف کھوکھر نے بتایا کہ جرگہ میں میری دس سالہ بیٹی سونیہ کوونی کیا گیا ہے،جرگہ پنچائیت میں اس کاکا نانا بھی ملوث ہے۔ بااثر پنچائیت نے فیصلے پر عملدرآمد نہ کرنے پر بچی کو اغوا کی دھمکی دی ہے۔
اشرف کھوکھر کے مطابق انہوں نے تھانہ سی ڈویژن میں درخواست دائر کی مگرپولیس بااثر ملزمان کے خلاف کاروائی نہیں کر رہی ۔
دوسری جانب پولیس کا کہنا ہے کہ درخواست موصول ہوئی ہے معاملے کی تحقیقات کی جا رہی ہے۔