پی ٹی آئی کے رہنما فواد چوہدری نے کہا ہے کہ تخت رائیونڈ میں جیت کے باوجود رونا دھونا اور سینہ کوبی جاری ہے۔ ماتم خود کررہے ہیں اور رونے کا الزام ہمیں دے رہے ہیں۔
این اے 120میں کامیابی کے بعد مریم نواز کے خطاب کے جواب میں پی ٹی آئی کے رہنما فواد چوہدری نے ایک بیان میں کہا کہ
ڈاکٹر صاحبہ نے سفاک خاندان اور اسکے ہتھکنڈوں کا پوری طرح ڈٹ کر مقابلہ کیا، تحریک انصاف نے نون لیگ کی فتح کھٹی کردی، انہوں نے کہا لاہور نے آج واضح کر دیا کہ چوروں کا ٹبر اب کسی طور قابل قبول نہیں۔
والدہ کی بیماری اور مظلومیت کا ڈھونگ عوام نے مکمل مسترد کردیا، وفاقی، صوبائی اور مقامی حکومتوں کی ساری مشینری استعمال کرنے کے باوجود شرمندگی شریفوں کا مقدر ٹھہری۔