کھانے کا معیار اور وقت زندگی پر اثر انداز ہوتا ہے، ماہرین

20 ستمبر ، 2017

کھانے کے معیار کے ساتھ اس کے اوقات بھی انسانی زندگی پر اثرانداز ہوتے ہیں،ماہرین صحت نےبستر پر جانے سے پہلے کھانا کھانے سے گریز کرنے کا مشورہ دیا ،بصورت دیگر موٹا پا بڑھ سکتا ہے اور نیند متاثر ہوسکتی ہے۔

طبی ماہرین نے امریکی جامعات کے 110 طالب علموں پر اس حوالے سے تجربات کئے ، سائنسدان تحقیق میں کم روشنی میں میلاٹونن کے اخراج ( ڈی ایل ایم او ) کا جائزہ لینا چاہتے تھے۔

ماہرین کے مطابق یہ( ڈی ایل ایم او) ایک قدرتی عمل ہوتا ہے ،جس میں بدن نیند کے لیے تیار ہوتا ہے اور ایک طرح کا ہارمون میلاٹونن خارج ہوتا ہے جسے نیند کا ہارمون بھی کہتے ہیں، عام حالات میں اکثر افراد میں میلاٹونن کا اخراج رات کے 8 بجے شروع ہوجاتا ہے۔

ماہرین نے انکشاف کیا کہ جو لوگ رات کو دیر سے کھانا کھاتے ہیں یا پھر سوتے وقت کچھ نہ کچھ کھاتے ہیں ان کا میلاٹونن متاثر ہوتا ہے ،جس سے وزن بڑھنے کے خدشات میں اضافہ ہوجاتا ہے۔