سابق وزیر اعظم میاں نواز شریف کی اہلیہ اور نومنتخب رکن قومی اسمبلی بیگم کلثوم نواز تیسری سرجری کے بعد اسپتال سے گھر منتقل ہوگئیں۔
وہ تین دن اسپتال میں رہیں جہاں سے انہیں ان کے بیٹے حسن نواز کے فلیٹ پر لے جایا گیا، نواز شریف بھی ان کے ساتھ ہیں۔
Just brought Ami home. She is Alhamdolillah recovering well after her 3rd surgery. Jazak'Allah for your valuable prayers.
— Maryam Nawaz Sharif (@MaryamNSharif) September 22, 2017
سابق وزیر اعظم میاں نوازشریف نے اپنی اہلیہ کے لیے صحت یابی کی دعائیں کرنے والوں کا شکریہ ادا کرتے ہوئے کہا ہے کہ مزید دعاؤں کی ضرورت ہے۔
ان کے صاحبزادے حسین نواز کا کہنا ہے کہ بیگم کلثوم نواز کی مزید رپورٹس کا انتظار ہے۔
ادھر سابق وزیر اعظم میاں نوازشریف کی صاحبزادی مریم نواز کا اپنے ٹویٹ پیغام میں کہنا ہے کہ والدہ کو گھر لے آئے ہیں۔
اپنے ٹویٹ پیغام میں مریم نواز نے مزید کہا کہ تیسری سرجری کے بعد امی کی طبیعت میں بہتری آ رہی ہے۔
انہوں نے اپنی والدہ کے لیے دعائیں کرنے والوں کا شکریہ بھی ادا کیا ہے۔