ووگ میگزین کے 10سال مکمل ہونے، ایوارڈ تقریب کا انعقاد

بھارتی ووگ میگزین نے بالی ووڈ اداکارہ ایشوریہ رائے بچن کو اس دہائی کی سب سے بااثر شخصیت قرار دے دیاجبکہ بالی ووڈ کے کنگ خان بہترین انٹرٹینر کا ایوارڈ لے اڑے۔

بھارتی میڈیا رپورٹس کے مطابق گزشتہ روز ووگ میگزین کی جانب سے 10سال مکمل ہونے پر شاندار ایوارڈ تقریب کا انعقاد کیا گیا جس میں بالی ووڈ کے کئی فنکاروں نے شرکت کی اور اس تقریب کو چار چاند لگادئیے۔

تقریب میں بالی ووڈ اداکارہ سونم کپور، ایشوریہ رائے، شاہ رخ خان، گوری خان سمیت کئی معروف فنکار اور اداکار شامل تھے۔

اس موقع پر بالی ووڈ ایشوریہ رائے بچن کو اس دہائی کی سب سے بااثر شخصیت جبکہ اداکار شاہ رخ خان کو دہائی کے بہترین انٹرٹینر کا ایوارڈ دیا گیا۔

تقریب میں سونم کپور کو بہترین فیشن آئیکون کے ایوارڈ سے نوازا گیاجبکہ دوسری جانب انوشکا شرما گیم چینجر کا ایوارڈ لے اڑیں۔