| |
Home Page
ہفتہ 30 محرم الحرام 1439ھ 21 اکتوبر 2017ء
October 12, 2017 | 12:57 pm
ویت نام: لینڈ سلائیڈنگ میں37 افراد ہلاک،40 لاپتہ

Floods Landslides In Vietnam Kill 37 People Thousands Evacuated

ویت نام میں شدید بارشوں کے بعد سیلاب اور لینڈ سلائیڈنگ میں37 افراد ہلاک،40 لاپتہ ہوگئے ۔

حکام کے مطابق ویت نام کے شمالی اور وسطی حصوں میں شدید بارشوں کے بعد سیلابی صورتحال ہے جبکہ متاثرہ حصوں میں لینڈ سلائیڈنگ کے واقعات بھی پیش آئے جس کے باعث ایک ہزار سے زائد گھر تباہ ہوچکے ہیں جبکہ ہزاروں لوگ بے گھر ہوگئے ۔

صوبے ہوابن سب سے زیادہ متاثر ہوا جہاں گھروں پر پہاڑی تودہ گرنے سے درجنوں لوگ دب گئے۔ اب تک11 ہلاکتیں اور 21 افراد لاپتہ ہوچکے ہیں۔

ڈزاسٹر مینجمنٹ حکام کا کہنا ہے کہ طوفان اور لینڈ سلائیڈنگ سے متاثرہ 15 ہزار سے زائد افراد محفوظ ٹھکانوں کے متلاشی ہیں اور بے سروسامانی کے عالم میں کھلے آسمان تلے بیٹھے ہیں۔