سردملکوں سے آبی پرندوں کی آمد، ساحلی علاقوں کی رونق میں اضافہ

ضلع بدین سمیت زیریں سندھ کے ساحلی علاقوں میں سرد ممالک سےآبی پرندوں کی آمد کا سلسلہ جاری ہے ان پرندوں کی اٹھکیلیوں سے ساحلی علاقوں کی رونق میں اضافہ ہوگیا۔

زیریں سندھ کی سرزمین کے کئی رنگ ہیں اور انہی رنگوں میں فطری حسن اور نزاکت کے شاہکار آبی پرندوں کے جھلملاتے رنگ بھی شامل ہیں اور آجکل ضلع بدین سمیت زیریں سندھ کے ساحلی علاقے ان نایاب پرندوں کی آماجگاہ بنے ہوئے ہیں۔

ان آبی پرندوں میں پین، کونج ،راج ہنس، لاکھا جانی ،آڑی، ڈگوش اور دیگر اقسام کے پرندے بھی شامل ہیں تاہم محکمہ وائلڈ لائف کی کارروائیوں کے باوجود ان پرندوں کا غیر قانونی شکار بھی جاری ہے۔

علاقہ مکینوں کا کہنا ہے کہ ان آبی پرندوں کے تحفظ کے لئے فوری اقدامات کئے جائیں ۔