کراچی کے علاقے لیاری میں بغدادی تھانےکی حدود میں بلڈنگ سے کچرا نیچے پھینکنے پر جھگڑا ہوگیا، پولیس اہلکار نے فائرنگ کرکے خاتون کو زخمی کر دیا۔
پولیس کے مطابق بغدادی کے علاقے میں یوسف ہارون روڈ پر واقع بلڈنگ میں خاتون نے دوسری منزل سے کچرا نیچے پھینکا جو علاقے میں رہائش پزیر پولیس اہلکار زاہد پر آکر گر گیا۔
پولیس ہیڈ کواٹر میں تعینات اہلکار زاہد نے طیش میں آکر خاتون سے جھگڑا کیا اور ایک ہوائی فائر کردیا، جس سے 23 سالہ گل بی بی زخمی ہوگئی۔
پولیس نے اہلکار زاہد کو گرفتار کرلیا ہے، ایس پی لیاری آفتاب نظامانی کے مطابق اہلکار نشے کی حالت میں تھا۔