عدم پیشی پر عدالت برہم، رائو انوار کے وارنٹ گرفتاری جاری

ایڈیشنل ڈسٹرکٹ اینڈ سیشن جج شرقی نے ایم کیو ایم کے سابق رہنما سلیم شہزاد کے مقدمات میں گواہی کے لئے پیش نہ ہونے پر ایس ایس پی ملیر راو انوار کے وارنٹ گرفتاری جاری کردیئے۔

ایڈیشنل ڈسٹرکٹ اینڈ سیشن جج شرقی کی عدالت نے سلیم شہزاد کے خلاف جلائو گھیراؤ، قتل اور ہنگامہ آرائی سے متعلق 3 مقدمات کی سماعت ہوئی۔

سماعت میں ایس ایس پی ملیر رائو انوار اور ڈی ایس پی خالد کے پیش نہ ہونے پر عدالت نے سخت برہمی کا اظہار کیا۔

عدالت نے کہا کہ مقدمات گواہوں کی عدم حاضری پر التوا کا شکار ہورہے ہیں، ایس ایس پی راؤ انوار کو متعدد بار پیش ہونے کے نوٹسسز جاری کئے جاچکے ہیں،نوٹس تعمیل ہونے کے باوجود وہ پیش نہیں ہورہے ہیں،جس پر عدالت نے ایس ایس پی رائو انوار، ڈی ایس پی خالد سمیت دیگر اہلکاروں کی گرفتاری کا حکم دے دیا۔

عدالت نے ڈی آئی جی شرقی کو حکم دیا ہے کہ رائو انوار اور ڈی ایس پی سمیت دیگر اہلکاروں کوگرفتار کرکہ 25 نومبر کو عدالت میں پیش کیا جائے، سلیم شہزاد کے خلاف لانڈھی تھانہ میں 3 مقدمات 1992 سے درج ہیں۔