سندھ ،صحافت کرنیوالوں سرکاری ملازموں کیخلاف کارروائی کا اعلان

سندھ میں سرکاری ملازمت کے ساتھ صحافت کرنے والے ملازمین کے خلاف کارروائی جلد شروع ہوگی،حکومت سندھ نے ایکشن کیلئے کمیٹیاں تشکیل دے دیں۔

چیف سیکریٹری سندھ پہلے ہی کارروائی کے لیے نوٹی فکیشن جاری کرچکے ہیں، محکمہ تعلیم سندھ بھی دو سو سرکاری ملازمین کی فہرست جاری کرچکا ہے۔

حکومت سندھ نے سرکاری ملازمت کے ساتھ صحافت کے شعبے میں کام کرنے والے ملازمین کی نشاندہی کے لیےکمیٹیاں تشکیل دے دیں۔

چیف سیکریٹری سندھ کی جانب سے جاری کردہ نوٹی فکیشن میں حکومت سندھ نےتمام اضلاع میں کمیٹیان قائم کردی ہیں جو ایسے صحافیوں کی نشاندہی کرے گی جو سرکاری ملازمت بھی کررہے ہیں۔

اس سے قبل محکمہ تعلیم بھی ایسے سینکڑوں صحافیوں کی فہرست جاری کرچکا ہے جو سرکاری اسکولوں کے اساتذہ ہیں اوراسکولوں سے غیر حاضر رہتے ہیں۔