بینکنگ سیکٹر کی سرمایہ کاری میں اضافہ

کیلنڈر سال2017 کی تیسری سہ ماہی کے دوران بینکنگ سیکٹر کی خالص سرمایہ کاری میں گزشتہ سال کے اسی عرصے کی دو اعشاریہ پانچ فیصد کمی کی نسبت ایک اعشاریہ آٹھ فیصداضافہ ہوا ہے تاہم زیرتبصرہ مدت میں بینکوں کی کارپوریٹ سیکیورٹیز میں 2.6 فیصد کمی ریکارڈ کی گئی ہے۔

بینکاری ماہرین کا کہنا ہے کہ بینکنگ سیکٹر کے لیے اگرچہ خطرات موجود ہیں تاہم اگر بینکس اپنے ڈپازٹس میں خاطرخواہ اضافہ کرلیں تو انہیں وافر سرمائے کی وجہ سے آئندہ ماہ میں نجی شعبے کے متوقع قرض لینے کی رفتار میں تیزی سے فائدہ ہوسکتا ہے۔

تیسری سہ ماہی میں ان کے 112 ارب روپے کے مجموعی منافع کے مقابلے میں رواں سال کی چوتھی سہ ماہی میں منافع بڑھ سکتا ہے۔